Së fundmi klryeministri Albin Kurti, është deklaruar në lidhje me fushatën e intensifikuar që të lejohet shamia në shkolla.

“MASHT’i është duke përcjellur me vëmendje shqetësimin e disa qytetarëve për ndryshim të udhëzimit. Do ta kemi edhe projektligjin për liritë fetare që do ta sjellim në Kuvend. Qëndrimi im është se nuk duhet të ketë ndalim të shamisë dhe elementeve tjera fetare, por gjithashtu kam thënë se mosha 16 vjeçare është pragu. Kjo moshë do të duhej të ishte edhe mosha e votimit. Mosha 16 vjeçare është moshë e pragut për bartjen e shamisë”, deklaroi Kurti.

E pas kësaj deklarate kanë reaguar dy organizatorët e kësaj iniciative, Durim Berisha dhe Liridon Kurti.

Liridon Kurti përmes një shkrimi në facebook, ka falënderuar kryeministrin Kurti që po e dëgjon zërin popullor, por neve na duhet në letër vendimi për shfuqizimin apo ndryshimin e Udhëzimit Administrativ, tha ai.

Mjaft na kanë mashtruar të tjerët me fjalë. Tash po kërkojmë veprime konkrete, ka shkruar ai. /arbresh.info/