Ministrja e Ekonomisë, Artane Rizvanolli, ka pritur në takim ambasadoren e Izraelit në Kosovë, Tammy Ziv.

Rizvanolli përmes një postimi në Facebook shkruan se, energjia dhe teknologjia e informacionit ishin temat kyçe.

Sipas saj përmes këtyre sektorëve do të forcohen marrëdhëniet ekonomike në mes të dyja shteteve.

Postimi i plotë:

Ishte kënaqësi të presim në takim Ambasadoren e Izraelit në Kosovë, shkelqësinë e saj Tammy Ziv, ku biseduam për mundësitë e bashkëpunimit në mes të dy vendeve.

Izraeli është një ndër shtetet nga i cili Kosova ka shumëçka të mësojë në fushën e energjisë e TIK-ut.

Ambasadores i prezantova prioritetet e Ministria e Ekonomisë në fushën e Burimeve të Ripertritshme të Energjisë dhe punën tonë në zhvillimin e sektorit të TIK-ut dhe trajnimeve për zhvillimin e fuqisë punëtore në këtë sektor.

Jam mirënjohëse për mbështetjen e miqëve tanë të cilët gjithmonë janë pranë për të na ndihmuar në rrugën tone të zhvillimit./arbresh.info/