FBI ekzekutoi një urdhër kontrolli të hënën në resortin Mar-a-Lago të Donald Trump në Palm Beach, Florida, si pjesë e një hetimi për trajtimin e dokumenteve presidenciale, duke përfshirë dokumente të klasifikuara, që mund të jenë dërguar atje.

Më poshtë gjeni pamje të vendit ku u krye bastisja.

Departamenti i Drejtësisë nuk pranoi të komentonte, dhe vetë Trump, në një deklaratë, nuk tha pse agjentët ishin atje, shkruan USAToday.

Mbetet për t’u parë se cilat dokumente ose sende të tjera mund të jenë hequr nga prona ose se si ato sende mund të lidhen me një hetim, transmeton arbresh.info.

Trump, së bashku me shumë prej aleatëve të tij kryesorë, është nën hetim për një sërë çështjesh, nga sulmi i 6 janarit në Kapitol e deri te marrëdhëniet e biznesit të familjes Trump; Nuk ka ende asnjë fjalë se si veprimi i të hënës nga forcat e zbatimit të ligjit mund të ndikojë në ndonjë nga ato hetime./arbresh.info/