Policia në Shtime, pasi ka marrë një urdhëresë të Gjykatës Themelore në Ferizaj, sot rreth orës 09:00 në një shtëpi private në rrugën transitore Shtime-Davidovc në Shtime, kanë kontrolluar një shtëpi dhe objekte përcjellëse të personit me inicialet S.H i moshës 31 vjeçar.

Sipas Policisë, gjatë kontrollimit në shtëpinë e tij, janë gjetur dhe më pas si prova materiale janë sekuestruar një pushkë gjuetie dhe një armë me një karikator.

“I dyshuari është shoqëruar në stacionin e policisë në Shtime dhe pas intervistimit nga hetuesit policor, me vendim të Prokurorit nga Prokuroria Themelore në Ferizaj, i njëjti është liruar për procedura të mëtejme hetimore, ndërsa rasti është cilësuar “Mbajtje në pronësi , kontroll, ose posedim i paautorizuar i armës””, thuhet në komunikatën për media./arbresh.info/