Çagllavicë, tentim grabitje në një institucion financiar

12:29 | 6 Qershor 2022
A. B.

Sot rreth orës 10:45 në filialin e një institucioni financiar në Çagllavicë të komunës së Prishtinës ka ndodhur një tentim grabitje.

Lajmin për arbresh.info e ka konfirmuar zëdhënësi i policisë për rajonin e Prishtinës, Agron Borovci.

Borovci tha se pas marrjes së informacionit policia ka dalë në vendngjarje.

Tutje ai tha se bazuar në të dhënat e para janë ngritur dyshimet se në këtë tentativë grabitjeje kanë marrë pjesë tre të dyshuar të cilët më pas kanë ikur nga vendi i ngjarjes.

“Deri më tani nuk raportohet për persona të lënduar. Aktualisht policia ka iniciuar një hetim lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rastit si dhe identifikimin e të dyshuarve”, tha Borovci. /arbresh.info/