Në seancën e sotme gjyqësore, tre të akuzuarve u është ndryshuar masa nga paraburgimi në arrest shtëpiak. Ata, që 44 muaj ishin në paraburgim.

E vrasja e njërit prej avokatëve të rastit para pak ditësh në Mitrovicë, bëri që seanca e planifikuar për të premten të shtyhet në një ditë tjerë.

Gjyqtari: Gjykata të akuzuarve do tua zëvendësojë të akuzuarve masën e paraburgimit me masën e arrestit shtëpiak dhe atë për faktin se procesi gjyqësor është proces i gjerë dhe përmban në vete procedimin e shumë provave, dëshmitarëve.

Ky vendim i trupit gjykues në rastin e vrasjes se politikanit serb, Oliver Ivanoviq, solli gëzim për tre të akuzuarit që tash e 44 muaj ishin në paraburgim.

Këtë vendim e ka mirëpritur avokati i rastit, Musa Damati.

“Kruciale është të theksohet se sot është bërë edhe zëvendësimi i masës së paraburgimit i cili ka ekzistuar në këtë rast për më tepër se 44 muaj dhe masa e paraburgimit është zëvendësuar ndaj të akuzuarve me masën e arrestit shtëpiak”, tha Musa Damati, avokat.

E vrasja e njërit prej avokatëve të rastit para pak ditësh në Mitrovicë, Milan Bigoviq, bëri që seanca e planifikuar për të premten të shtyhet në një ditë tjerë.

“Seanca e planifikuar që të mbahet sot është shtyrë dhe kjo për shkak se pak ditë më parë fatkeqësisht njëri prej avokatëve i cili ka punuar në këtë rast është vrarë në rrethana tragjike dhe po ashtu dëshmitari tjetër anonim ka deklaruar në seancën e kaluar se është i rrezikuar dhe ndihet i kërcënuar dhe refuzon që të jap dëshmi në këtë çështje penale”, tha Musa Damati, avokat.

Seanca e radhës për rastin Ivanoviq do të mbahen në fund të muajit korrik. Gjykata Speciale e Kosovës ka ngritur aktakuzë ndaj 6 personave: Nedelko Spasojeviq, Marko Roshiq, Dragisha Markoviq, Zharko Jovanoviq, Rade Basara dhe Silvana Arsoviq, të cilët ngarkohen për, “Përfshirje në vrasjen e Oliver Ivanoviqit”.

Në seancën e sotme gjyqësore, tre të akuzuarve u është ndryshuar masa nga paraburgimi në arrest shtëpiak./rtk