Mbrëmë rreth orës 23:00 në qendër të Zagrebit në Kroaci, ka ardhur deri te një incident pas sanimit të një gypi të ujit.

Si e këtij incidenti janë lënduar të paktën katër persona, shkruajnë mediat e huaja transmeton arbresh.info

Ekipet e zjarrfikësve në Zagreb kanë konfirmuar për mediat kroate se buldozeri që pak orë më herët kishte punuar në sanimin e një gypi të ujit, ka goditur padashje gypin e gazit dhe ka ardhur deri te shpërthimi i një zjarri të madh.

Me autoambulancë janë dërguar me urgjencë në spital shoferi i buldozerit që u lëndua, si dhe një prej banorëve të asaj lagje. Në anën tjetër, policia kroate ka njoftuar se nga ky zjarr janë lënduar në total katër persona.

Në një apartament janë thyer xhamat, e dëshmitarët okularë nga ndërtesat afër zjarrit që shpërtheu, thonë se kanë ndjerë erën e gazit dhe se zjarri në një moment kishte arritur lartësinë deri në kulmin e ndërtesës.

Madje edhe telat e tramvajeve kanë rënë në tokë, e më pas është krijuar një kaos i vërtetë në komunikacion. /arbresh.info/