Vdes në QKUK burri i cili ishte qëlluar nga policia pasi kishte gjuajtur në drejtim të tyre

20:39 | 31 Maj 2022
Gita

Sot ka vdekur B.B. në Klinikën Intenzive në Qendrën Klinike Universitare të Kosovës.

Ai ishte duke u trajtuar për gati tri javë, pasi ishte plagosur nga një zyrtar policor që ishte në vetëmbrojtje.

Lajmin për vdekjen e të ndjerit e ka bërë të ditur për KlanKosova.tv Lavdim Morina, mjeku kujdestar në këtë klinikë.

B.B. ka vdekur sot rreth orës 15:00.  Policia, me urdhër të prokurorisë, kishte bastisur një shtëpi në lagjen ‘Kodra e Trimave’ të Prishtinës.