Sherr për ndarjen e ushqimeve nga Kisha në Nigeri, shënohen 31 viktima

21:05 | 28 Maj 2022
KRG

Të paktën 31 persona kanë humbur jetën në Nigeri si pasojë e një përplasje mes besimtarëve në një Kishë gjatë momentit që shpërndaheshin ushqime për familje më të varfëra.

Ngjarja e rëndë është regjistruar në Port Harcourt, një prej rajoneve, ku një në dy banorë jeton në varfëri ekstreme dhe për pasojë mbetën të lënduar dhe qindra të tjerë.

Organizata fetare me mbi 32,000 ndjekës në Facebook kishte organizuar një ngjarje në të cilën do të shpërndante falas ushqime. Selia e kishës ndodhej në zonën e unazës Port Harcourt, por aktiviteti i bamirësisë do të mbahej në qytetin port “Polo Club”, një objekt më i madh që supozohej të mund të strehonte turma.

Sipas policisë, njerëzit u grumbulluan në zonë në orët e para të mëngjesit dhe më pas disa u bënë të paduruar dhe nisën të shtyjnë./A2CNN/