Qeveria ka frikë ta shkarkojë bordin e ZRrE-së, për faktin se ata mund të tregojnë me instruksione të kujt kanë punuar deri tani, deklaroi Hykmete Bajrami.

Deputetja e Lidhjes Demokratike të Kosovës, tregoi se gjatë konsultimit për ngritjen e tarifave të energjisë, asnjëra nga skenarët nuk ka qenë prezentë.

Sipas saj, ata kanë marrë një vendim krejtësisht tjetër krahas dokumentit që e kanë vënë në konsultim publik.

“Arsyeja se pse nuk janë duke e shkarkuar bordin e ZRRE-së, është sepse në momentin që e shkarkojnë, ZRRE-ja do të tregojë me instruksione të kujt ka punuar. Dokumenti që ka qenë në konsultim, asnjëra nga sceanriot nuk ka qenë prezentë, as kur është ngritur tarifa e lartë me 85 përqind, e as tarifa e ulët me 104 përqind. Pra, ata e kanë vënë në konsultim publik për të gjitha palët e interesit një dokument tjetër, mirëpo kanë marrë një vendim komplet diçka tjetër”, tha Bajrami në Tëvë1.

“Teksa më herët ka pasur akuza se Zyra e Rregullatorit të Energjisë është organ i varur nga Qeveria e Kosovës, pra me njerëz të cilët janë zgjedhur nga kryeministri i Kosovës, Albin Kurti.”