Ambasadori i Shteteve të Bashkuara të Amerikës në Kosovë, Jeff Hovenier, sot ka nderuar policët e Kosovës që kanë humbur jetën e tyre në krye të detyrës.

Ambasada Amerikane në Kosovë përmes një postimi në rrjetin social Twitter, ka bërë të ditur që Hovenier ka nderuar punën e policëve të Kosovës.

“Sot ne nderojmë policët e guximshëm në Kosovë, SHBA dhe në mbarë botën që humbën jetën ose u plagosën duke mbrojtur komunitetet tona, duke garantuar sigurinë tuaj”, ka shkruar ambasada e SHBA-së në Twitter.

Fotografitë tregojnë se ambasadori Hovenier është pritur nga Drejtori i Përgjithëm i Policisë së Kosovës, Samedin Mehmeti.

Today we honor the courageous police officers in Kosovo, the U.S., and around the world who lost their lives or were injured while protecting our communities, ensuring our safety & security. #peaceofficersmemorialday #PoliceWeek2022 https://t.co/Pl7BZ9mjSH pic.twitter.com/XL6Q4Ta9dB

— U.S. Embassy Pristina (@USEmbPristina) May 15, 2022