Zyrtarët ukrainas po paralajmërojnë se forcat ruse mund të përshkallëzojnë sulmet raketore dhe ajrore gjatë fundjavës, përpara festimeve të planifikuara të Ditës së Fitores të Rusisë të hënën.

Në fjalimin e tij të përnatshëm, Presidenti ukrainas, Volodymyr Zelensky, u bëri thirrje qytetarëve që “të zbatojnë rreptësisht rregullat e rendit publik dhe të shtetrrethimit” në komunitetet e tyre, transmeton portal arbresh.info

“U kërkoj të gjithë qytetarëve tanë – veçanërisht këto ditë – të mos i injorojnë sirenat e sulmit ajror”, tha ai. “Ju lutem, është në pyetje jeta juaj, jeta e fëmijëve tuaj”.

Banorët janë gjithashtu të ndaluar të vizitojnë pyjet në territorin e dikurshëm të okupuar pasi egziston një kërcënim i madh i minave me tela që ka lënë ushtria ruse.

“Sigurohuni që të respektoni ndalimin,” u kujtoi Zelensky ukrainasve./arbresh.info/