Biden do t’i kërkojë Kongresit 33 miliardë dollarë shtesë për të ndihmuar Ukrainën

WASHINGTON, DC - JANUARY 19: U.S. President Joe Biden makes an opening statement during a news conference in the East Room of the White House on January 19, 2022 in Washington, DC. With his approval rating hovering around 42-percent, Biden is approaching the end of his first year in the Oval Office with inflation rising, COVID-19 surging and his legislative agenda stalled on Capitol Hill. (Photo by Chip Somodevilla/Getty Images)

17:39 | 28 Prill 2022
KRG

Presidenti Joe Biden do t’i kërkojë Kongresit 33 miliard dollarë shtesë për të ndihmuar Ukrainën në luftën e saj me Rusinë, thanë sot 2 zyrtarë të administratës.

Kërkesa, e cila vjen pasi lufta në Ukrainë ka hyrë në javën e saj të nëntë, do të përfshijë më shumë se 20 miliard dollarë ndihmë ushtarake për Ukrainën dhe 8.5 miliard dollarë ndihmë ekonomike.

Kjo paketë është 2 herë më e madhe se paketa fillestare prej 13.6 miliard dollarësh që Kongresi miratoi muajin e kaluar.

Lëvizja e fundit sinjalizon një angazhim afatgjatë të SHBA-së për të penguar përpjekjen e presidentit rus Vladimir Putin për të zgjeruar kontrollin e Rusisë ndaj fqinjit të tij, dhe ndoshta më gjerë.

“Kërkesa e presidentit për financim është ajo që ne besojmë se është e nevojshme për të mundësuar suksesin e Ukrainës gjatë pesë muajve të ardhshëm të kësaj lufte,” tha një zyrtar i administratës për Politico.

“Ne kemi çdo pritshmëri që partnerët dhe aleatët tanë do të vazhdojnë të ofrojnë nivele të krahasueshme ndihme në të ardhmen.”/abcnews.al/