Shefi i OKB-së ia bëri një propozim Rusisë, Lavrov refuzoi

14:08 | 27 Prill 2022
A. B.

Sekretari i Përgjithshëm i OKB-së Antonio Guterres ka sugjeruar që një grup trepalësh i OKB-së, Ukrainës dhe Rusisë t’i trajtojnë çështjet humanitare në Ukrainë, por ministri i jashtëm i Rusisë tha se është shumë herët për këtë.

Në një takim në Moskë të martën me ministrin e Jashtëm rus Sergei Lavrov, Guterres propozoi krijimin e një grupi për të mbikëqyrur sigurinë e korridoreve humanitare, i cili do të përfshinte përfaqësues nga OKB-ja, Rusia dhe Ukraina.

“Duhet të shpallet një armëpushim sa më shpejt të jetë e mundur dhe të hapet një korridor për evakuimin e civilëve nga Mariupol dhe fabrika e çelikut Azovstal”, tha Guterres, i cili shkoi në Moskë për të diskutuar mënyrat për t’i dhënë fund luftës në Ukrainë, shkruan agjencia gjermane dpa.