Të krishterët ortodoksë anembanë globit po festojnë sot Pashkët, me mijëra duke ndezur qirinj në shërbesat në komunitetin e tyre.

Në Stamboll, Turqi, njerëzit ndjekin një shërbim të Ringjalljes së Pashkëve në Kishën e Patriarkanës Ortodokse të Fenerit.

Patriarkana është qendra e krishterimit ortodoks grek, e cila ka një popullsi fetare prej rreth 260 milionë njerëz në mbarë botën.

Një shërbim në Kishën Patriarkale të Shën Gjergjit u krye nga Patriarku Ekumenik Ortodoks grek Bartolomeu I i Kostandinopojës, i konsideruar si udhëheqësi shpirtëror i të krishterëve ortodoksë lindorë.

Rusia dhe Ukraina shënuan sot Pashkët ortodokse, me fotografi që tregojnë Vladimir Putinin në një kishë në Moskë, ndërsa raketat e ushtrisë së tij vazhdonin të binin mbi civilët ukrainas në të gjithë vendin.

I forti rus mori pjesë në meshën e mesnatës në Katedralen e madhe të kryeqytetit, Krishti Shpëtimtar, që ndodhet afër Kremlinit.

Në kryeqytetin e Kievit, lutjet u mbajtën për ata që luftonin në vijat e frontit dhe të tjerët të bllokuar përtej tyre në vende si Mariupol.

Presidenti ukrainas Volodymyr Zelensky u zotua në një mesazh të Pashkëve se asnjë ‘ligësi’ nuk do ta shkatërrojë vendin dhe u lut që Zoti t’ua kthejë lumturinë fëmijëve dhe t’u sjellë ngushëllim nënave të pikëlluara.