Ad Banner
Ad Banner
Ad Banner
Ad Banner

Largohet edhe një grup tjetër i afganëve që ishin strehuar përkohësisht në Kosovë

17:01 | 20 Prill 2022
Gita

Një grup tjetër i afganëve që ishin evakuuar në Kosovë ka marrë rrugën për në Shtetet e Bashkuara të Amerikës (SHBA).

Këtë e ka bërë të ditur ambasada amerikane në Kosovë, shkruan arbresh.info

Ambasada e SHBA-ve përmes një postimi në Facebook ka falënderuar shtetin e Kosovës për strehimin e përkohshëm të afganëve.

“Sot pas përfundimit të të gjitha kërkesave të verifikimit dhe atyre mjekësore, një grup tjetër i të evakuuarve afganë u nis nga Kosova për në SHBA. Falë bujarisë dhe mikpritjes së Kosovës, afër 600 afganë të pritur më parë në Kampin Liya, janë larguar për të filluar një jetë të re më familjet e tyre në SHBA. Faleminderit Kosovë”, thuhet në njoftim.

Ndryshe, vitin e kaluar, Kosova pranoi mbi 1,200 shtetas afganë, të cilët ikën nga Afganistani pasi talibanët morën kontrollin mbi këtë shtet./arbresh.info/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm