Ambasadori i SHBA-së në Serbi, Christopher Hill, ka pritur në Beograd senatorët Jeanne Shaheen, Thom Tillis dhe Chris Murphy, në margjinat e një vizite për, siç paralajmëruan ata, ndikimin e Rusisë dhe Kinës në Serbi.

Lajmi është bërë i ditur nga vetë ambasadori Hill, teksa ka thënë se SHBA-ja është e gatshme ta mbështesë Serbinë të krijojë lidhje me fqinjët e saj.

“Mirë se vini në Beograd, senatorë Shaheen, Tillis dhe Murphy! Vizita juaj nënvizon rëndësinë e partneritetit tonë. Serbia luan një rol jetik në përparimin e rajonit. SHBA qëndron e gatshme ta mbështesë shtrirjen dhe lidhjet më të forta midis Serbisë dhe fqinjëve të saj në BE”, ka deklaruar Hill në ‘Twitter’-in e tij.

Welcome to Belgrade, Senators Shaheen, Tillis, and Murphy! Your visit underscores the importance of our partnership. Serbia plays a vital role in the region’s progress and prosperity. ?? stands ready to support stronger alignment and ties between ?? and its EU neighbors. pic.twitter.com/6pQr85mhla

— Ambassador Christopher R. Hill (@usambserbia) April 19, 2022