Katër persona kanë mbetur të lënduar si pasoj e një aksidenti që ka ndodhur sot në rrugën “Afrim Zhitia” në Prishtinë.

Policia e Kosovës ka bërë të ditur se në këtë aksident trafiku janë përfshirë një veturë dhe katër këmbësorë.

Zëdhënësja e Policisë së Kosovës për rajonin e Prishtinës, Flora Ahmeti i tha arbresh.info se vetura ka goditur katër persona.

“Për pasojë, katër persona, kanë pësuar lëndime trupore dhe të njëjtit janë dërguar për trajtim mjekësor në QKUK. Njësia rajonale e trafikut ka dalë në vendin e ngjarjes dhe ka nisur një hetim lidhur me rrethanat e këtij aksidenti”, shprehet ajo.

Aksidenti sipas saj, ka ndodhur rreth orës 18:00.

“Rreth orës 18:00, është raportuar për një aksident trafiku të ndodhur në rrugën “Afrim Zhitia” në Prishtinë. Nga informatat e para bëhet e ditur se në aksident janë përfshirë një veturë dhe katër këmbësor”, thotë Ahmeti./arbresh.info/