Ansu Fati duket se po arrin fazat e fundit të rikuperimit të tij – sërish.

Mundo Deportivo raporton se ylli spanjoll po i afrohet edhe një herë pikës përfundimtare, me një test të planifikuar për të hënën për të vlerësuar shëndetin e tij.

Nëse gjithçka shkon mirë me skanimin, Fati do të fillojë sërish stërvitjen në fushë, individualisht dhe më pas do të rikorporohet gradualisht në ekip. Ai u lëndua sërish në ndeshjen e Kupës së Mbretit kundër Athletic Bilbaos, teksa Barcelona humbi 3-2 pas shtesave.

Kundër rekomandimit të mjekëve të klubit, Fati vendosi të vazhdojë me një trajtim konservativ që do të thoshte se mund të rikthehej këtë sezon, në vend që t’i nënshtrohej sërish operacionit. Ai është në plan për t’u rikthyer brenda afatit kohor tetë javor të dhënë për rikuperimin e tij.

Me Barcelonën që më në fund shënon sërish gola, nevoja për të nxitur kthimin e Fatit nga lëndimi nuk është më aty dhe Xavi Hernandez nuk ka gjasa të marrë ndonjë rrezik të panevojshëm.

Siç qëndrojnë gjërat, ai nuk do të jetë në skuadër për ndeshjen e radhës të Barcelonës kundër Sevillas më 3 prill, por mund të bëjë udhëtimin e tyre në Europa League në Gjermani. Barcelona do të përballet me Eintracht Frankfurt në çerekfinale më 7 prill./Arbresh.info