Lideri i Listës Serbe, Goran Rakiq, njëherit edhe Ministër për Kthim dhe Komunitete, tha se do të “suspentojnë” veten nëpër institucione të Kosovës.

“Edhe ne, përfaqësuesit e serbëve do ta suspendojmë vetën nëpër institucione, deri sa gjyqtarja Liljana Stevanoviq të kthehet në punë. Përveç njerëzve nëpër institucione, kryetarëve të komunave me shumicë serbe, pozitat e tyre do t’i ngrijnë të gjithë gjyqtarët dhe punëtorët e gjykatave”, është shprehur Rakiq.

Këto komente ai i ka bërë në protestën e serbëve në veri të vendit.

Sipas Rakiqit, serbët janë të frikësuar për të ardhmen e tyre.

Kryetarja e Gjykatës Themelore të Mitrovicës, Liljana Stevanoviq, është suspenduar të enjten nga Këshilli Gjyqësor i Kosovës (KGJK).

Edhe Inspektorati Policor i Kosovës ka paralajmëruar se do të ndërmarrin masa ndaj disa policëve serbë.

Krejt këto suspendime po bëhen shkaku i pjesëmarrjes së tyre në një takim me presidentin e Serbisë, Aleksandar Vuçiq, ditë më parë.

Protestuesit në veri, po mbanin pankarta në të cilën thuhej “Kurti prishi marrëveshjen e Brukselit, Kurti prishi të gjitha”./arbresh.info/