Kryeministrat e Polonisë, Republikës Çeke dhe Sllovakisë u kthyen në Poloni këtë mëngjes pasi udhëtuan në Kiev të martën për të treguar solidaritetin e tyre me Ukrainën.

Kryeministri polak, Mateusz Morawiecki, dhe homologët e tij çekë dhe sllovenë, Petr Fiala dhe Janez Janša, u takuan me presidentin ukrainas, Volodymyr Zelenskiy, dhe kryeministrin, Denys Shmyhal, në Kiev të martën mbrëma.

Vizita e tyre në kryeqytetin ukrainas shënoi të parën nga udhëheqës të huaj që kur Rusia pushtoi Ukrainën më 24 shkurt.

Televizioni polak tregoi imazhe të një kolone automjetesh që largoheshin nga stacioni në qytetin Przemysl, afër kufirit me Ukrainën, ku udhëheqësit mbërritën me tren, raportoi AFP, transmeton arbresh.info.

Pas kthimit në Poloni, tre kryeministrat folën me telefon me presidentin e Këshillit Evropian Charles Michel, tha një zëdhënës i qeverisë polake.

Pas vizitës së tij në Kiev, kryeministri çek, Petr Fiala, tha se Ukraina mbi të gjitha ka nevojë për më shumë furnizime me armë për t’u mbrojtur kundër pushtimit të Rusisë. Tre kryeministrat diskutuan sanksionet, armët dhe ndihmën humanitare, si dhe hapat e mundshëm të ardhshëm diplomatik me Presidentin Zelenskiy, shtoi Fiala./arbresh.info/