Pentagoni hodhi poshtë propozimin e Polonisë për të transferuar avionët e tyre luftarakë MiG-29 në Shtetet e Bashkuara për t’i dorëzuar Ukrainës, duke e quajtur atë të papranueshme, tha të martën sekretari i shtypit i Pentagonit, John Kirby.

Pentagoni është në kontakt me qeverinë polake për këtë çështje, por propozimi i Polonisë tregon “kompleksitetin” e transferimit të luftëtarëve në Ukrainë, tha Kirby në deklaratë, transmeton portal arbresh.info

“Thjesht për ne nuk është e qartë se cili është arsyetimi thelbësor për këtë”, tha Kirby.

“Ne do të vazhdojmë të konsultohemi me Poloninë dhe aleatët tanë të tjerë të NATO-s për këtë çështje dhe sfidat e vështira logjistike që ajo paraqet, por ne nuk besojmë se propozimi i Polonisë është i qëndueshëm”, shtoi ai.

Më herët të martën, qeveria polake propozoi transferimin e të gjithë MiG-29-ve të tyre në bazën ajrore Ramstein të Forcave Ajrore të SHBA-së në Gjermani, tha ministria e Jashmte.
Qeveria e SHBA më pas do t’i japë ato Ukrainës, tha ministria. Në këmbim, Polonia kërkoi avionë luftarakë të përdorur për të zëvendësuar MiG-29.

Megjithatë, Kirby tha se ideja e paraqitur nga Polonia është shumë e rrezikshme, pasi SHBA dhe NATO kërkojnë të shmangin një konflikt të drejtpërdrejtë midis aleancës dhe Rusisë./cnn/arbresh.info/