Presidenti i Shteteve të Bashkuara të Amerikës, Joe Biden ost ka pasur një konferencë për media ku ka folur në lidhje me zhvillimet e fundit në krizën Ukrainë-Rusi.

Biden tha se presidenti aktual i shëtit të Rusisë, Vladimir Putin, nuk do të jetë kurrë i suksesshëm në luftën kundër Ukrainës.

“Putini duket i vendosur të vazhdojë rrugën vrastare pa marrë parasysh koston”, tha Biden.

“Ai ka kthyer tashmë dy milionë ukrainas në refugjatë. Rusia mund të vazhdojë të shkatërrojë përparimin e saj me një çmim të tmerrshëm, por kjo është tashmë e qartë: Ukraina nuk do të jetë kurrë një fitore për Putinin. Ai mund të jetë në gjendje të marrë një qytet, por kurrë nuk do të jetë në gjendje të mbajë vendin dhe nëse nuk i përgjigjemi sulmit të Putinit ndaj paqes dhe stabilitetit global sot, kostoja e lirisë dhe për popullin amerikan do të jetë edhe më e madhe nesër” – shtoi ai.

Ndërsa për popullin ukrainas, Joe Biden thuri lëvdata të mëdha për rezistencën përballë agresionit të madh rus, raporton CNN, përcjell arbresh.info.

“Ata kanë frymëzuar botën me trimërinë e tyre, patriotizmin e tyre, vendosmërinë e tyre sfiduese për të jetuar të lirë. Lufta e Putinit ka shkaktuar një vuajtje të madhe dhe humbje të panevojshme të jetëve të grave, fëmijëve, të gjithëve në Ukrainë. Mund të shtoj edhe rusëve” – tha Joe Biden gjatë konferencën në Shtëpinë e Bardhë.

Ndryshe, presidenti i ShBA-së gjatë konferencën ka njoftuar mediat që sot ka vendosur të ndalojë importimin e naftës, gazit dhe qymyrit nga shteti rus. /arbresh.info/