Zyrtare: Ja ku do të zhvillohet derbi i madh kosovar ndërmjet Dritës dhe Gjilanit

13:21 | 7 Mars 2022
Lorik Gerbeshi

Të enjten me fillim nga ora 13:00, zhvillohet derbi i madh kosovar ndërmjet Dritës dhe Gjilanit.

Ndeshja e xhiros së 24-të në kuadër të Superligës së Kosovës në futboll, do të zhvillohet në stadiumin e qytetit në Gjilan, shkruan Gazeta Olle.

Kjo është bërë e ditur në njoftimin e ndeshjes nga faqja zyrtare e Dritës në “Facebook”.

Ky është një lajm i mirë për tifozët e flaktë të të dyja skuadrave, “Intelektualët” dhe “Skifterat”, të cilët derbin mund ta shikojnë në stadiumin e qytetit.

Rëndësia e kësaj ndeshje është e madhe, pasi një gabim i radhës i bardhekaltërve mund t’i lë ata përfundimisht jashtë garës për titull.

Në anën tjetër, kuqebardhët kërkojnë triumfin e radhës në derbi, duke pritur gabimin e Ballkanit për t’u rikthyer në pozitën e parë në elitën e futbollit kosovar.