Presidenti Joe Biden është ngatërruar gjatë fjalimit të tij për Gjendjen e Bashkimit mes krizës në Ukrainë, duke ngatërruar kombin që po përballet me pushtimin me Iranin.

Biden, 79 vjeç, njeriu më i vjetër i zgjedhur ndonjëherë në presidencën e Shteteve të Bashkuara, po fliste për pushtimin e vazhdueshëm rus kur gaboi, transmeton portal arbresh.info

“Putini mund të rrethojë Kievin me tanke, por ai kurrë nuk do të fitojë zemrat dhe shpirtrat e popullit iranian”, tha Biden.

Vetëm pasi mbaron së thëni ‘iranian’, nënpresidentja Kamala Harris, shihet pas tij duke e korrigjuar Presidentin amerikan, dhe duke thënë fjalën e duhur.

Lajmi menjëherë ka marrë hov në mediat sociale, duke u shpërndarë në numër të madh.

Biden i kaloi 12 minutat e para të fjalimit të tij drejtuar kombit nga Kongresi duke folur për Rusinë dhe pushtimin e saj në Ukrainë.

Ai nuk ka hezituar ta quajë Presidentin rus, Vladimir Putin, diktator, ndërsa ka theksuar se SHBA do të mbështesë Ukrainën./arbresh.info/