Një ngjarje tragjike ka ndodhur mbrëmjen e së premtes në fshatin Zllatar të Prishtinës, ku një polic ka mbetur i vdekur pasi u qëllua me armë zjarri aksidentalisht nga kolegu i tij, shkruan arbresh.info.

Për këtë Kryetari i Aleancës Kosova e Re ka shkruan në faqen e tij në Facbook ku ka shprehur ngushëllimet familjes dhe kolegëve.

Ndërkaq lajmin për vrasjen e polici  Pacolli e ka quajtur tronditës.

“Me hidhërim po e përjetojmë faktin tronditës të vrasjes së zyrtarit policor, bashkëvendasin tim, Lirim Haxholli. Ngushëllimet më të sinqerta për familjen dhe kolegët”, thuhet në shkrimin e tij.

Inspektorati Policor ka njoftuar se policët ishin në një ndejë private, ku kishin marrë pjesë 15 zyrtarë policorë.

“Sot pas mesnatës Inspektorati Policor i Kosovës ka pranuar një informacion përmes “Linjës së kaltër” nga Policia e Kosovës se ka ndodhur një incident me të shtëna me armë zjarri në fshatin Zllatar të Prishtinës ku ishte plagosur një person. Hetuesit e IPK-së menjëherë i janë përgjigjur thirrjes kurse në vendin e ngjarjes kanë dalë edhe njësitet përkatëse policore si dhe prokurori kujdestar. Personi i plagosur në këtë rast (zyrtar policor) ishte dërguar për trajtim mjekësor dhe pavarësisht përpjekje të mjekëve i njëjti fatkeqësisht ka vdekur si pasojë e lëndimeve”, thuhet në njoftim./arbresh.info/

Vrasja e policit në Zllatar/ Arrestohen pesë policë dhe kërkohet suspendimi i nëntë të tjerëve