Ad Banner
Ad Banner
Ad Banner
Ad Banner

SHSKUK: Gjatë vitit të kaluar në Pediatri u kryen mbi 31 mijë kontrolle

16:16 | 13 Janar 2022
Arditë Shkodra

Shërbimi Spitalor Klinik e Universitar i Kosovës ka bërë të ditur se Klinika e Pediatrisë në Qendrën Klinike Universitare të Kosovës, vitin e kaluar ka ofruar mijëra shërbime mjekësore për pacientët, pavarësisht situatës me pandeminë COVID-19.

Sipas SHSKUK-së, në bazë të raportit të punës për vitin 2021, janë realizuar 18 mijë e 56 vizita ambulatore dhe 31 mijë e 99 vizita të pranimit-kontrolla.

“Gjatë periudhës janar-dhjetor, gjithashtu, janë bërë 856 EKG, 1 mijë e 315 EEG, 2 mijë e 257 Eho të Zemrës, 2 mijë e 574 Eho të Abdomenit, 1 mijë e 192 Eho të Trurit, 593 Eho të Mushkërive dhe 105 Eho të Gjëndrës Tiroide”, thuhet në njoftimin e SHSKUK-së.

Sipas këtij Shërbimi, për 12 muaj janë kryer edhe 7 dializa, 49 flowsimetri, 76 punksione dhe 450 Strisho të Gjakut Periferik.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm