Aston Villa ka konfirmuar nënshkrimin e mbrojtësit, Lucas Digne nga Everton për një tarifë të raportuar prej rreth 25 milionë funte.

28-vjeçari kalon në Villa Park dhe bëhet shtesa e dytë e Steven Gerrard në këtë afat kalimtar pas nënshkrimit në formë huazimi të Philippe Coutinhos.

Bonjour, Villans…

?? pic.twitter.com/17mZVr1ggY

— Aston Villa (@AVFCOfficial) January 13, 2022

Reprezentuesi francez kishte rënë në favor të ish-menaxherit, Rafael Benitez dhe nuk ishte paraqitur për Toffees që nga derbi i Merseyside me Liverpoolin më 1 dhjetor.

Ai kishte dhënë katër asistime në 13 paraqitjet e tij në Premier League deri në atë moment.

“Jam shumë i lumtur që jam këtu. Është një projket i madh pas nënshrkimit të Philippe dhe klubi shpenzoi shumë para verën e kauar”, tha Digne në lëvizjen e tij.

“Projekti është vërtet interesant. Ju mund të shihni nga vera e kaluar se projekti është në një mënyrë të mirë dhe mednoj se të gjithë lojtarët duan të jenë këtu për të qenë pjesë e këtij projekti”.

Lojtari më pas konfirmoi se të luantë nën Gerrard ishte një favor i madh në vendimin e tij.

“Ishte faktori kryesor. Kam ardhur këtu për menaxherin”, tha ai.

“Kam pasur një takim shumë të mirë me të dhe kemi folur disa herë gjatë këtij muaji. E ndjej dëshirën e tij për të fituar, për të treguar futbollin e tij si menaxher – futbollin sulmues, posedimin.”.

Digne, i cili gjithashtu ka bërë 43 paraqitje për kombëtaren franceze, u transferua në Goodison Park nga Barcelona për rreht 18 milionë funte në gusht 2018./Arbresh.info