Një fjalosje në trafik ka mjaftuar që të tensionohen gjakrat dhe të plagoset një person, shkruan arbresh.info.

Gjatë këtij incidenti është plagosur një person i gjinisë mashkullore në këmbë, e ku më pas është dërguar për tretman mjekësor.

I dyshuari është dërguar në mbajtjeje me urdhër të prokurorit.

Ngjarja ka ndodhur në Prizren

“Rr. Xhemil Fluku, Prizren 10.01.2022 ─ 14:35. Është arrestuar i dyshuari mashkull kosovar pasi i njëjti pas një mosmarrëveshje në trafik që kishte pasur me viktimën mashkull  kosovar kishte shtëne me armë zjarri në drejtim të viktimës. Si pasojë e të shtënave viktima është plagosur në këmbë.  Në vendin e ngjarjes në cilësi të provave materiale janë gjetur dhe konfiskuar një armë zjarri dhe një gëzhojë. Viktima është dërguar në tretman mjekësor. Me vendim të prokurorit i dyshuari është dërguar në mbajtje”, thuhet në raportin e PK-së./arbresh.info/