Janë bërë tre lajmërime të rreme në lidhje me një bombë në stacionin e autobusëve në Prishtinë, shkruan arbresh.info.

Një i tillë ishte edhe gjatë ditës së premte kur policia janë detyruar të evakuojnë dhe të kontrollojnë nëse ka ndonjë kërcënim të tillë brenda stacionit.

Por, një gjë e tillë doli të jetë prapë alarm i rrem.

Në raportin e policisë thuhet se përmes një thirrje telefonike ishte lajmëruar se një mjet shpërthyes ndodhet brenda stacionit. Njësiti për deminim i PK-së dhe njësiti K-9 kanë kontrolluar, por nuk kanë gjetur asgjë të dyshuar.

“Rr. Fatime Sokoli, Prishtinë 07.01.2022-12:14. Ankuesja femër kosovare punëtore në stacionin e autobusëve në Prishtinë ka informuar se kishte pranuar një thirrje telefonike nga një person i cili ka lajmëruar se është  një mjet shpërthyes në stacion të autobusëve. Njësitet policore kanë evokuar të gjithë personat. Njësiti për deminim i PK-së dhe njësiti K-9 kanë kontrolluar, por nuk kanë gjetur asgjë të dyshuar”, thuhet në raportin e PK-së./arbresh.info/