Konjufca uron besimtarët katolikë dhe protestantë për Festën e Krishtlindjes

08:17 | 25 Dhjetor 2021
Përparim Bublaku

Kryetari i Kuvendit të Republikës së Kosovës, Glauk Konjufca, ka uruar të gjithë besimtarët katolikë dhe protestantë në Republikën e Kosovës, për Festën e Krishtlindjes.

“Krishtlindja si një festë e shënuar për miliarda njerëz në mbarë botën, edhe në vendin tonë përgjatë historisë ka mishëruar vlerën hyjnore të shpresës, bashkimit dhe të dashurisë.

Këto vlera të kremtuara edhe sot na japin fuqi, mençuri dhe inspirim për ta vazhduar punën në interes të qytetarëve dhe avancimit të kombit tonë.

Për të gjithë besimtarët katolikë dhe protestantë të Republikës së Kosovës, gëzuar lindja e Krishtit!

Qofshit të gjithë të lumtur dhe të shëndetshëm kudo që jeni, përherë!”, thuhet në urimin e kryetarit Konjufca./arbresh.info/