Sulmuesi i Manchester United, Anthony Martial ka zhvilluar bisedime me manaxherin, Ralf Ragnick për situatën e tij.

26-vjeçari francez është i etur për një lëvizje te Sevilla pasi u zhgënjye me mungesën e fillimit të tij në United këtë sezon.

Agjenti i tij, Philippe Lamboley e acaroi Rangnick në fillim të këtij muaji duke u bërë publike me dëshirën e klientit të tij për t’u larguar përpara se ta diskutonte atë me shefin e United.

Një dëmtim në gju e përjashtoi Martialin nga ndeshjet e United me Crystal Palace dhe Norwich City, por ai ishte në terrenin stërvitor të United të mërkurën për bisedën e tij të pasdites me Rangnick duke shpresuar për të zgjidhur të ardhmen e tij, raporton “Daily Mail”.

Ragnick ka deklaruar tashmë se nuk e sheh nevojën për të bindur lojtarët që të qëndrojnë në United dhe se skuadra e tij është shumë e madhe.

Sevilla do të dëshironte një marrëveshje huazimi për Martial dhe United duhet të vendosë nëse kjo i përshtatet me shumë konkurrencë për dy vendet e para./Arbresh.info