Ministria e Punëve të Jashtme dhe Diasporës, Donika Gërvalla, në moment të fundit e ka anuluar raportimin e planifikuar pranë Komisionit për Integrime Evropiane në Kuvend.

Kryetarja e Komisionit për Integrim Evropiane, Rrezarta Krasniqi, ka thënë se nuk është hera e parë që ndodh ky anulim nga ministrja Gervalla.

Ndërsa deputetja nga radhët e VV-së, Arbresha Kryeziu tha se nuk duhet të keqinterpretohet mosprezenca e ministres Gervalla.

“Sidoqoftë duhet me sqaruar me kabinetin e ministrisë, se për çfarë takimi bëhet fjalë dhe nuk është mirë me keqinterpretuar, dhe as me arsyetuar ministren Gervalla në këtë komision sot”, tha ajo.

Depuetja e PDK-së, Blerta Deliu thotë se ministrja Gervalla për të tretën herë me radhë nuk po i përgjigjet komisionit, sipas saj, kjo është një papërgjegjësi.

Deliu thotë se Gervalla ka përmbushur vetëm 16 për qind të punës së saj.

“Për mua është pak e çuditshme, dhe nuk ka asnjë arsyetim. Për tre herë më radhë nuk i përgjigjet kuvendit dhe komisionit, e cila ka përmbushur vetëm 16% të plasnit të saj. Kur një ministre nuk e kryen punën e saj kur nuk kemi anëtarësimi dhe njohje të reja, na nuk kemi asnjë agjendë se për çfarë i del një takim urgjent, unë nuk mund të quaj asgjë më shumë se sa papërgjegjësi”, tha ajo./arbresh.info/