Qeveria e Kosovës dhe ajo daneze kanë nënshkruar marrëveshjen për lëshimin e 300 qelive me qira.

Kjo u bë e ditur në një konferencë për media të mbajtur nga ministrja e Drejtësisë, Albulena Haxhiu dhe ministrja e Ekonomisë, Artane Rizvanolli, raporton arbresh.info

Ministrja Haxhiu ka njoftuar se dhënia me qira e qelive ku do të vendosen 300 të burgosur vlen për 10 vjetët e ardhshme.

Ajo tha se të dënuarit të cilët do të transferohen nga Danimarka në Kosovë nuk do të jenë të rrezikshmërisë së lartë.

Paratë ë fituara nga kjo marrëveshje do të dedikohen për energjinë e ripërtërishme.

Kujtojmë që Kosova është i vetmi vend në Ballkanin Perëndimor që do të nënshkruaj një marrëveshje të tillë.

Nga kjo marrëveshje pritet që vendi ynë të përfitojë 210 milionë euro për 10 vjetët e ardhshme./arbresh.info/