Në vendpushimet e skive në Austri ka mungesë punëtorësh, veçanërisht pas vendosjes së masave të rrepta epidemiologjike.

Peter Meyer, pronar i një agjencie punësimi, pohon se turizmi dimëror vuan nga mungesa e fuqisë punëtore, transmeton portal arbresh.info

“Ka kompani në Ischgl, Zelden ose Kitzbuhel që paguajnë midis 4500 dhe 6000 euro për një kuzhinier të mirë që flet rrjedhshëm gjermanisht,” thotë Meyer.

Ndërkohë që numri i rezervimeve po rritet ngadalë, numri i të punësuarve në vendpushimet e skive po bie. Kjo shqetëson Thomas Geiger, drejtor i sektorit të turizmit në Dhomën e Tregtisë së Tirolit.

“Sfida për kompanitë që kërkojnë një numër të mjaftueshëm punonjësish është më dramatike se kurrë. Aktualisht, vetëm shërbimi i punësimit ka pothuajse 4500 vende të lira pune. Në realitet, megjithatë, nevoja reale për punonjës është shumë më e lartë,” thotë ai.

Ai aktualisht nuk ka asnjë aplikim për punë nga Gjermania.

“Shumë punonjës të përhershëm afatgjatë janë larguar gjithashtu nga industria për shkak të mungesës së sigurisë. Hapja dhe mbyllja e vazhdueshme është helm për industrinë e turizmit,” tha Geiger.

Përpara pandemisë, kamerierët mund të fitonin për një ditë 3000-4000 euro vetëm nga bakshishi, kujton ai./arbresh.info/