Ministri i Financave, Punës dhe Transfereve, Hekuran Murati dhe deputeti i AAK’së, Ramush Haradinaj kanë replikuar sa i përket shkëputjes së kontratës me kompaninë amerikane “Contour Global”.

Murati në seancën e sotme të Kuvendit të Kosovës tha se qeveria nuk ka shkëputur kontratën me këtë kompani, por që sipas tij, shkëputja e kontratës është bërë nga “Contour Global”.

Ndërsa, Haradinaj i ka replikuar Muratit duke thënë se refuzimi i “Contour Global” rrezikon Kosovën edhe për shumë dimra tjerë.

“Vetëvendosje duke u bazuar me njerëz sikur ti (Heuran Murati) ka ardhë situata deri këtu. Unë nuk mendoj se e ke vendin këtu në seancë, por është dashtë të jesh në KEK me një shatorr, duke u mërdhirë së bashku me disa kolegë tjerë, se një pjesë e qytetarëve janë duke u mërdhirë në këtë dimër”, tha Haradinaj.