KQZ pranon vendimin e Gjykatës Supreme për Dragashin, mblidhet në ora 16:00

13:02 | 25 Nëntor 2021
A Z

Komisioni Qendror i Zgjedhjeve ka pranuar vendimin e Gjykatës Supreme, përmes së cilit urdhërohet për përsëritjen e raundit të dytë të votimit jashtë Kosovës që i takon Zgjedhjeve për Kryetar të Komunës së Dragashit.

Zëdhënësi i KQZ-së, Valmir Elezi ka thënë për arbresh.info se ora 16:00, KQZ-ja do të mbajë mbledhje, lidhur me mënyrën e zbatimit të këtij vendimi.

“E konfirmoj se gjatë ditës kemi pranuar vendimin e Gjykatës Supreme, përmes së cilit urdhërohet Komisioni Qendror i Zgjedhjeve për përsëritjen e raundit të dytë të votimit jashtë Kosovës që i takon Zgjedhjeve për Kryetar të Komunës së Dragashit. Me qëllim të zbatimit të këtij vendimi, gjatë ditës së sotme (e enjte, 25 nëntor, ora 16:00) KQZ-ja do të mbajë mbledhje. Lidhur me mënyrën e zbatimit të këtij vendimi, do të njoftoheni në këtë mbledhje”, ka thënë Elezi./arbresh.info/

LEXO EDHE

Gjykata Supreme vendos që të përsëritet votimi nga jashtë për komunën e Dragashit – Arbresh.info