Vëllai i tij Blerimi dhe miku, Milaim Cakiqi e kanë vizituar ish-presidentin e vendit, Hashim Thaçin në Qendrën e Paraburgimit në Hagë.

Këtë e ka bërë të ditur Cakiqi përmes një postimi në ‘facebook’, ku tha se Thaçi e bëri historinë e re dhe Kosovën e re, shkruan arbresh.info

“Hashim Thaçi ishte i ri kur e nisi rrugëtimin për liri dhe pavarësi. Me besim të palëkundur e bëri luftën dhe paqen. E bëri historinë e re dhe Kosovën e re”, ka shkruar ai.

Postimi i tij i plotë pa ndërhyrje:

T’fala nga Haga!

Hashim Thaçi ishte i ri kur e nisi rrugëtimin për liri dhe pavarësi. Me besim të palëkundur e bëri luftën dhe paqen. E bëri historinë e re dhe Kosovën e re.

Me besim të palëkundur po qëndron edhe në Qendrën e Paraburgimit në Hagë, i privuar nga liria, por i pathyer, i panënshtruar dhe i pa dorëzuar.

U ndjeva shumë mirë që e pashë, pas vizitës që kisha dje në Hagë, sepse takimet me të kudo janë frymëzuese. Një lider i formësuar në vitet më të rënda që përjetoi populli ynë, nuk mund të thyhet nga askush. Hashim Thaçi ka qenë, është dhe vazhdon të jetë i pathyeshëm. Në luftë, në liri, në paraburgim, kudo, ai është i madh!. /arbresh.info/