Partia Demokratike e Kosovës dënon ashpër keqpërdorimin e imazheve të ish-Kryetarëve të PDK-së, Hashim Thaçi e Kadri Veseli, nga ana e një grupimi politik që po përpiqet t’i mashtrojnë qytetarët e Drenasit në këto zgjedhje, duke keqpërdorur emrin dhe figurat e PDK-së.

Ky subjekt politik fton të gjithë qytetarët e Drenasit që më 14 nëntor ta ndëshkojnë me votë këtë grupim, shkruan arbresh.info.

PDK thotë se në zgjedhjet e së dielës, kjo parti ka vetëm një kandidat dhe ai është Ramiz Lladrovci.

“Partia Demokratike e Kosovës fton të gjithë qytetarët e Drenasit, pa dallim, që më 14 nëntor ta ndëshkojnë me votë këtë grupim individësh që synim kryesor e kanë dëmtimin e PDK-së në bastionin e saj tradicional. Partia Demokratike e Kosovës në këto zgjedhje në Drenas ka vetëm një adresë – numrin 177 dhe kryetarin e Komunës, Ramiz Lladrovci”, thuhet në reagimin e PDK-së./arbresh.info/