Më 28 nëntor do të hapet kantieri i Aeroportit Ndërkombëtar të Vlorës.

Lajmin e bën të ditur kryeministri Edi Rama në një postim në Facebook. Më herët gjatë ditës së sotme, kreu i qeverisë bëri po ashtu të ditur se një ditë më pas, më 29 nëntor do të hapet për qarkullim Rruga e Arbrit. Njoftimi për këto zhvillime është bërë me ngjyrat kuq e zi, pasi datat përkojnë edhe me festat e nëntorit.

Postimi i Edi Ramës në facebook:

Lajmin për hapjen e Rrugës së Arbrit Rama e bëri të ditur gjatë seancës së sotme plenare. “Në 29 Nëntor do të hapet Rruga e Arbrit me të vetmin problem që në Qafën e Murrizit që ka krijuar vonesa, gjitha pjesa tjetër është gati. Jo si në tunelin e Elbasanit, që pasi i ratë daulles bashkë me “llumin” sikur thua ti, jo unë, u deshën kushedi sa para për t’u marrë me rrëshqitjet,” tha ndër të tjera kreu i qeverisë nga foltorja e Parlamentit. /arbresh.info/