Vaksinat kundër koronavirusit mund t’u jepen së shpejti edhe fëmijëve nga pesë vjeç e lart, tha imunologu kryesor në SHBA, Anthony Fauci.

Organi rregullator shëndetësor, Administrata Amerikane e Ushqimit dhe Barnave do të marrë në konsideratë rekomandimin e Pfizer që vaksinat t’u jepen edhe fëmijëve më të vegjël, transmeton portal arbresh.info

Anthony Fauci tha se vaksinat mund të jenë të disponueshme në fillim të muajit të ardhshëm.

Sipas vlerësimeve të tij, të rinjtë amerikanë mund të marrin të paktën një dozë të vaksinës në fillim të nëntorit dhe të imunizohen plotësisht deri në festat e Krishtlindjeve.

Administrata Amerikane e Ushqimit dhe Barnave ka miratuar më parë që fëmijët 12 vjeç e lart mund të marrin vaksinën Pfizer./neëyorkpost/arbresh.info/