Policia e Kosovës pas aksionit në rajonin e Prishtinës, Pejsës, Mitrovicës së Jugut dhe Mitorvicës së Veriut dy ditë më parë, dhe ku kishin arrestuar 8 persona si të dyshuar për krim të organizuar dhe kontrabandë me mallra, ka intervistuar sot edhe katër të tjerë.

Me urdhër të Prokurorit, tre prej tyre janë dërguar në mbajtje ndërsa një tjetër është liruar me procedurë të regullt, thuhet në njoftimin e Policisë.

Në njoftimin e plotë të Policisë thuhet:

“Pas realizimit të operacionit policor në luftën kundër krimit të organizuar dhe kontrabandës me mallra, të datës 13.10.2021 në rajonin e Prishtinës, Pejës, Mitrovicës Jugu dhe Mitrovicës Veri,  ku ishin arrestuar tetë persona të dyshuar dhe shpallur në kërkim dhjetë persona tjerë të dyshuar,  policia ka vazhduar hetimet intensive drejtë arrestimit dhe sjelljes para organeve të drejtësisë të të dyshuarve që ishin në kërkim.

Pas veprimeve operacionale dhe vendosjes në kërkim të personave të dyshuar, sot me 15.10.2021 hetuesit policorë kanë intervistuar edhe katër nga të dyshuarit që kanë qenë në kërkim policorë.

Personat e intervistuar nga zyrtarët policorë janë: V.H., (1978), M.H., (1981), M.V., (1994) dhe A.N., (1982), të cilët pas intervistimit, me urdhër të prokurorit tre të dyshuar  janë dërguar në mbajte, përderisa  njëri nga të dyshuarit është liruar në procedurë të rregullt.

Policia e Kosovës mbetet e përkushtuar në vazhdimin e hetimeve intensive drejtë sjelljes para organeve të drejtësisë edhe të persona tjerë të dyshuar të përfshirë në këtë veprimtari kriminale.” /arbresh.info/