Fillon me vonesë transmetimi i seancës së sotme në rastin e Salih Mustafës

16:07 | 13 Tetor 2021
Arditë Shkodra

Po vazhdon edhe sot gjykimi ndaj ish-pjesëtarit të UÇK-së, Salih Mustafa, i njohur ndryshe me nofkën ‘Cali’.

Procesi gjyqësor është paraparë të fillojë nga ora 9:30 dhe pritet të zgjasë deri në orën 16:00, raporton arbresh.info

Mirëpo si pasojë e problemeve teknike seanca ka pak minuta që ka filluar të transmetohet dhe është duke u zhvilluar në sesion privat.

Në seancën e sotme pritet të vazhdoj deklarimin dëshmitari i katërt i mbrojtur para Dhomave të Specializuara të Kosovës, në Hagë.

Mustafa akuzohet në kuadër të formave të ndryshme të përgjegjësisë penale, për ndalim arbitrar, trajtim mizor, torturë dhe vrasje të paligjshme si krime lufte të kryera në kontekstin e konfliktit të armatosur jo ndërkombëtar në Kosovës, ose në lidhje me atë konflikt./arbresh.info/

Lexo edhe:

Problemet teknike shtyjnë fillimin e seancës në çështjen Mustafa – Arbresh.info