Qeveria e Kosovës dhe ajo e Maqedonisë Veriore gjatë ditë së enjte mbajtën mbledhjen e parë në histori si dy vende të pavarura.

Në këtë mbledhje, dy qeveritë nënshkruan 11 marrëveshje, përfshirë edhe projekton e rrugës Prizren-Tetovë, shkruan arbresh.info.

Ky projekt ishte propozuar nga ish-komandanti i UCK-së, Ekrem Rexha, i njohur si komandant Drini.

Për këtë, ka reaguar edhe djali i Projekti për autostradën Prizren-Tetovë që ishte i ideuar nga Ekrem Rexha i njohur ndryshe si komandant Drini, para 22 vjetësh ende ka mbetur veç në letër.

Djali i komandant Drinit, Eki Rexha thotë se shpreson që Qeveria Kurti 2 do ta marrë parasysh faktin që kjo rrugë është propozuar nga babai i tij, komandant Drini dhe që emrin e kësaj rruge ta pagëzojë me emrin e tij.

“Ky projekt qysh para 22 vitesh u propozua nga Ekrem Rexha, komandant Drini. Me shpresë që Qeveria Kurti2 do t’i marrë parasysh se të paktën kjo rrugë të pagëzohet me emrin e komandantit, njëkohësisht edhe ideator i projektit”, ka shkruar ai.

Ndryshe, në mbledhjen e djeshme mes Qeverisë së Kosovës dhe Qeverisë së Maqedonisë Veriore, të dy krerët shtetëror u zotuan që do të realizojnë projektin e asfaltimit të rrugës Prizren-Tetovë.

Në pjesën ceremoniale të mbledhjes, kryeministrat e të dy qeverive dhe ministrat dikasterial i nënshkruan Memorandumet për Mirëkuptim mes Qeverisë së Republikës së Maqedonisë së Veriut dhe Qeverisë së Republikës së Kosovës për përcaktimin e fushëveprimit të përgjithshëm të bashkëpunimit lidhur me studimin e fizibilitetit për rrugën Prizren – Tetovë dhe për rehabilitimin e zonës tampon Bllacë mes dy objekteve kufitare të të dyja vendeve, marrëveshja për Bashkëpunim në fushën e diasporës, Marrëveshja për Statusin e Pjesëtarëve të Forcave të Armatosura të Republikës së Maqedonisë së Veriut dhe Forcat e Sigurisë së Republikës së Kosovës (SOFA), Protokoll për Zbatimin e Marrëveshjes për realizimin e Marrëveshjes mes Qeverisë së Republikës së Maqedonisë së Veriut dhe Qeverisë së Republikës së Kosovës për rregullim kufitar të komunikacionit hekurudhor dhe disa marrëveshje të tjera./arbresh.info/