Ministrja e Drejtësisë, Albulena Haxhiu ka folur për shpenzimet që i mbulon ministria që ajo udhëheqë, për mbrojtjen e krerëve të UÇK-së që gjenden në Hagë.

Haxhiu në T7 ka thënë se deri 3.5 milionë euro janë shpenzuar deri më tani për këtë kategori.

“Md është duke kryer punën në raport me komeptencat që na i ka dhënë kuvendi. Për mua secili cent i qytetarëve duhet të jetë publik Nuk ka asnjë kuptim që taksat e qytetarëve të mbahen konfidenciale, sepse e rritë dyshimin se diçka po keqpërdoret. Deri tani janë 3.5 milionë që janë shpenzuar për këtë kategori. Në këtë drejtim md ka kryer çdo detyrë që ka”, ka thënë Haxhiu.

Tutje ajo tha se nuk është problemi ku është fizikisht kjo gjykatë, por problemi sipas saj qëndron tek mandati që ka Gjykata Speciale.