Ad Banner
Ad Banner
Ad Banner
Ad Banner

Petkoviq: Takimi Kurti-Vuçiq do të varet nga takimi i sotëm dhe i nesërm mes dy delegacioneve

13:38 | 7 Shtator 2021
V. S.

Drejtori i të ashtuquajturës Zyra për Kosovën në qeverinë e Serbisë, Petar Petkoviq ka thënë se takimi i ardhshëm mes kryeministrit Albin Kurti dhe presidentit Aleksander Vuçiq do të varet nga bisedimet e sotme dhe të nesërme mes kryenegociatorëve në Bruksel.

Petkoviq ka thënë në një konferencë për media nga Brukseli se takimi i nivelit të lartë do të ndodhë nëse delegacioni kosovar shfaq gatishmëri për të ecur përpara.

“Serbia është ajo që insiston në dialog dhe ka një qasje konstruktive që është gjithmonë gati”, ka thënë Petkoviq.

Ai poashtu ka thënë se Beogradi në takimet e sotme dhe të nesërme do të insistojë në pesë tema kryesore: Formimin e Asociacionit të Komunave me Shumicë serbe, të pagjeturit, drejtësinë, energjinë dhe lëvizjen e lirë./express/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm