Ministri i Shëndetësisë, Arben Vitia është duke mbajtur mbledhje me kryetarët e komunave për situatën epidemiologjike në vend.

“Po diskutohet për masat e reja mbrojtëse ndaj COVID-19”, bëjnë të ditur për arbresh.info burime brenda takimit. 

Një ditë më parë Oda e Hotelerisë dhe Afarizmit bëri të ditur se do të ketë ndryshim të masave shkaku i rritjes së rasteve me COVID19.

Sipas Odës së Hotelierisë dhe Turizmit, këto janë disa nga masat që do të merren:

• Orari i punës do të reduktohet për një orë nga 22:30 në 21:30;

• Gastronomia do të funksionojë vetëm me hapësirat e jashtme, dhe vetëm 70% të hapësirës;

• Në qendrat tregtare gastronomia nuk do të funksionojë fare;

• Sallat e dasmave, klubet e natës, kinematë dhe të tjera do të vazhdojnë të jenë plotësisht të mbyllura;

Seminaret dhe konferencat në hapësira të mbyllura mund të mbahen vetëm deri në 30 persona;

• Ora policore do të jetë nga ora 22:00 deri në ora 5:00 të mëngjesit. /arbresh.info/

Paralajmërohet rikthimi i orës policore, këto janë masat e reja anti-Covid që pritet të merren