Pas krizës së krijuar në Afghanistan, Presidenti turk, Recep Tayyip Erdogan u ka bërë thirrje vendeve europiane të marrin përgjegjësinë për emigrantët që vijnë nga Afganistani.

Ai ka theksuar se Turqia nuk e ka ndërmend të bëhet “magazinë e Europës për refugjatët”, transmeton portal arbresh.info

Që kur talebanët hynë në Kabul fundjavën e kaluar, mijëra njerëz janë përpjekur të largohen nga Afganistani nga frika e lëvizjeve të autoriteteve të reja, të cilat njoftuan se do të respektojnë ligjet islame, raportoi Reuters.

Mijëra njerëz kanë hyrë në Turqi gjatë javës së fundit, përderisa talebanët pushtuan qytetet kryesore.

Erdogan tha se Europa duhet të marrë përgjegjësi për afganët e larguar nga vendi dhe shtoi se Ankaraja ka marrë masa në kufi me Iranin, e cila është edhe rruga kryesore për refugjatët afganë që duan të hyjnë në Turqi.

Presidenti turk tha se Turqia mund të hyjë në bisedime me qeverinë e re, e cila do të formohet nga talebanët, në mënyrë që të diskutojnë “axhendat e përbashkëta”./arbresh.info/