Menaxheri i reperes kosovare Tayna, Rinor Hykolli, po kërkohet nga Policia e Kosovës.

Ai dyshohet për kryerjen e veprës penale “Lëndim i rëndë trupor”, shkruan portali arbresh.info

Kërkesa për bashkëpunim u bë nga policia me urdhëresë të Prokurorisë Themelore Gjilan.

Postimi i plotë i Policisë së Kosovës:

Kërkesë për bashkëpunim

Gjilan, 18 gusht 2021
Policia e Kosovës – Drejtoria Rajonale e Policisë në Gjilan, bazuar në ligj për publikimin e fotos me shënime tjera të personit të kërkuar me Urdhëresë të Prokurorisë Themelore Gjilan, me qëllim lokalizimin dhe rrjedhimisht arrestimin e tij, lëshon:
Kërkesë për bashkëpunim me qytetarët.
Personi i kërkuar është:
Rinor Hykolli i lindur me 28.11.1983 me banim në Lagjen “Dardania” pa numër në Prishtinë.
I dyshuari është i kërkuar për veprën penale:
• ” Lëndim i rëndë trupor”
Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës në Gjilan apo të lajmërohet në stacionin më të afërt policor kudo në territorin e vendit tonë.
Numrat e telefonit dhe adresat elektronike kontaktuese për të kontaktuar Policinë e Kosovës:
– 192 dhe 080019999 (pa pagesë)
– 0280 330-061-Drejtoria Rajonale Gjilan
– E-mail adresa: [email protected] /arbresh.info/