Policia Rajonale e Mitrovicës ka arrestuar një person i dyshuar për tenim vrasje.

Sipas PK-së i dyshuari është arrestuar pas rreth orës 11:00 në rrugën “Dëshmorët e Kombit” në Mitrovicën e Jugut, ka plagisur një person.
I plagosuri pas ndihmës së parë që ka marrë në Spitlain e Mitrovicës është dërguar nga QKUK në Prishtinë.

“Sot rreth orës 11:00, Policia në Mitrovicën e Jugut, ka pranuar informatën për të shtëna me arme zjarri në rrugën Dëshmorët e Kombit ’. Me të pranuar informatën, në vendin e ngjarjes me urgjencë kanë dalë të gjitha njësitet e nevojshme policore.

Nga informatat e para nga vendi i ngjarjes është kuptuar se si pasojë e të shtënave nga arma e zjarrit, është plagosur viktima mashkull i moshës 40 vjeçar, i cili me urgjencë është dërguar në

Spitalin Rajonal në Mitrovicë, më pas është dërguar në QKUK- Prishtinë.

Nga ekzaminimet e kryera në vendin e ngjarjes, hetuesit e krim-teknikës si prova materiale kanë gjetur një (1) gëzhojë, një (1) predhë të plumbit, dhe një armë e llojit pistoletë e cila dyshohet të jetë përdorur nga i dyshuari. Lidhur me rastin është arrestuar një person i dyshuar, të cilit me vendim të prokurorit të rastit i është shqiptuar masa e ndalimit për 48 orë.

Rrjedha hetimore është duke vazhduar drejt zbardhjes së të gjitha rrethanave që ndërlidhen me rastin e veprës penale Vrasje e rëndë në tentativë”, ka njoftuar zëdhënësi Avni Zahiti/arbresh.info/